Statens vegvesen har på oppdrag frå Vestland fylkeskommune utarbeidd strekningsvise utgreiingar for det overordna fylkesvegnettet. Utgreiingane er eit grunnlag for å prioritere midlar til standardheving m.m. og peikar dermed på trong for tiltak. Tiltak med utbetring av Frekhaugkrysset fv. 564 er eitt av fleire prosjekt i Nordhordlandspakken.
Resultatmål for reguleringsplanen:
- Forslag til reguleringsplan klar til 1. gongs handsaming i 2019. Reguleringsplan skal vise tilstrekkeleg areal til gjennomføring av anlegg.
- Planen skal vise løysingar som legg til rette for bygging av ny løysing for kryss mot fv. 564 og eit godt og samanhengande gong- og sykkelvegnett langsmed fv. 244 og til og frå Frekhaug sentrum inkl. kollektivhaldeplass.
- Planen må leggje til rette for tiltak i byggesteg, og opne for mellombelse trafikksikringstiltak ved Frekhaugkrysset.
Løsning av oppdrag
Oppdraget er løyst med utgangspunkt i detaljert kartlegging av grunnforhold i kryssområdet og langs fv. 244. Gode data knytt til grunnforhold sikrar eit planforslag for gjennomførbart nytt kryss i Frekhaug sentrum. Reguleringsplanen legg til rette for ny rundkøyring, etappevis utbetring av fylkesvegen, sanering av fleire eksisterande avkøyrsler og etablering av nye felles tilkomstvegar. Målet er m.a. å betre trafikktryggleiken for gåande og syklande mellom sentrum og Sagstad skule / Meland aktiv.
Planen legg til rette for nytt kryss kopla til eksisterande vegnett i sentrum og til framtidig sentrumsstruktur. Dagens kollektivhaldeplass kan oppretthaldast saman med eksisterande vegstruktur i eit fyrste byggetrinn. Planforslaget har regulert areal til kollektivhaldeplass som kan handtere 3 samtidige busser i trafikk, løysing tilpassa framtidig sentrumsstruktur.
Ved Sagstad skule er det regulert for snusløyfe, areal-formål kollektivhaldeplass.
Våre tjenester
- Oppdragsledelse
- Planbeskrivelse
- Planbestemmelser
- Illustrasjoner og tekniske tegninger
- ROS-analyse
- Støyrapport
- VA-rammeplan
- Landskapsplan
- Rigg- og marksikringsplan
- Innspill til Ytre Miljøplan