Reguleringsplanen skal leggje til rette for oppgradering av fv. 564 Frekhaugkrysset til rundkøyring ved Rosselandsvegen med tilgrensande areal, samt etablering av gang- og sykkeltilbod og utviding av vegen langs fv. 244 Sagstadvegen på strekninga frå Frekhaug sentrum til og med kryss mot Sagstad skule. Kollektivløysingar i planområdet vil òg verte vurdert. Planområdet er på ca.191 dekar og vil erstatte delar av gjeldande områdeplan ved Frekhaug sentrum.
Tiltaket er vurdert å ikkje utløyse krav om konsekvensutgreiing i samsvar med plan og bygningslova §§ 4-1 og 4-2 og forskrift om konsekvensutgreiing.
Plangrensen til varsel om oppstart, varselbrev og liste med grunneigar/høyringsinstansar ligg som eige vedlegg. Planarbeidet skal i tillegg til permanente vegtiltak òg vurdera midlertidige arealbeslag i form av mellom anna rigg- og anleggsområde langsmed fylkesvegane i området. Plangrensa til dette oppstartsvarselet er difor ein del større enn venta tiltaksområde og vil verte redusert undervegs i planarbeidet. Dei permanente tiltaka i planområdet vil liggje i direkte tilknyting til dei eksisterande fylkesvegane.
Merknadsfrist er sett til 25. oktober 2017.
Eventuelle merknader eller opplysningar som bør leggjast til grunn for planlegginga, skal sendast til: Multiconsult Norge AS v/Christine R. Nilsen, Nesttunbrekka 99, 5221 Nesttun eller på e-post: christine.nilsen@multiconsult.no.
Informasjon ligg òg ute på: http://www.meland.kommune.no/kunngjeringar
Spørsmål til oppstartsvarselet kan rettast til:
Multiconsult Norge AS v/ Christine R. Nilsen, tlf. 55 62 33 18
eller til
prosjekteigar Statens vegvesen sin representant Eva-Beate R. Torsvik på tlf. 55 51 67 19.